អន្តរជាតិ: Armand Duplantis គឺជាកីឡាករលោតកម្ពស់ល្អបំផុតដែលទទួលបានមេដាយមាសនៅទីក្រុងតូក្យូ កាលពីឆ្នាំ២០២០។ Armand Duplantis លោតបានកម្ពស់ ៦.០២ ម៉ែត្រក្នុងការលោតលើកទី១ ប៉ុន្តែកីឡាករវ័យ២១ឆ្នាំរូបនេះបាននិយាយថានេះមិនមែនជាកម្ពស់អតិបរិមាដែលគាត់អាចលោតបានទេ។ កីឡាករជនជាតិស៊ុយអែតដើមកំណើតអាមេរិចរូបនេះបានបន្តទៀតថាការប្រកួតទើបតែចាប់ផ្តើម ហើយគាត់ប្រហែលជាអាចយកមេដាយមាសបានក្នុងកម្រិតកម្ពស់ ៦.០២ ម៉ែត្រ ប៉ុន្តែកម្ពស់អតិបរិមាដែលគាត់អាចលោតបានគឺ ៦.១៨។ កីឡាកររូបនេះបានបន្តទៀតថា”ខ្ញុំចង់បំបែកកំណត់ត្រាឲ្យបានច្រើនជាងអ្វីដែលអ្នកដដៃអាចធ្វើបាន។ Armand Duplantisបាននិយាយទៀតថា” ខ្ញុំមានអារម្មណ៍ថាខ្ញុំស្ថិតនៅលើផ្លូវវែងឆ្ងាយណាស់ដើម្បីសម្រេចគោលបំណងបើធៀបទៅនឹងRenaud Lavillenie និង Sergei Bubka ដែលបានឈ្នះពានរង្វាន់ជាសកលជាច្រើន។ Bubka ឈ្នះជើងឯកពិភពលោក ៦ ឬ ៧ ដង”។

គាត់ត្រូវបានគេដាក់ឈ្មោះថាជាអត្តពលិកពិភពលោកប្រចាំឆ្នាំ ២០២០ រួចទៅហើយ ហើយត្រូវបានគេទន្ទឹងរងចាំការចូលប្រកួតម្តងទៀតនៅឆ្នាំនេះ។ គាត់បានព្យាយាមបង្កើតឯតទគ្គកម្មពិភពលោកថ្មី ៦.១៩ ម៉ែត្ររួចទៅហើយប៉ុន្តែគាត់មានមហិច្ឆតាចង់បាន ៦.២០ ម៉ែត្រ។ គាត់នឹងចូលរួមក្នុងព្រឹត្តិការណ៍ជើងឯកពិភពលោកនៅឆ្នាំក្រោយ៕